「港大發言人表示，該校老師有經驗，只因事發時身體不適，未能陪同學生上山，但有當地經驗豐富的老師作嚮導.......」
無地圖，無坐標，無人包隊尾，咁叫有「當地經驗豐富的老師作嚮導」？
香港大學發言人？連小學生都不如。 如果香港大學有關事件中教職員夠膽企台講說話的只係一個智商低落o既廢人，教出黎o既睇怕唔醒得去邊。
其實，呢件事上面港大學生本身判斷亦有問題。
「學校交流亦唔足夠，我哋嘅老師未有實地考察過，有啲自己都未去過。」
.....同行的本港老師缺乏經驗，而且他們分別因水土不服或高山症等........
自吹自捧有經驗o既都一早死晒，無圖無坐標，自己仲跟團衝上去？唔係一個，係一堆！呢班甚麼大學生以為自己行東龍洲定係長洲？3800米高原，有冰川睇o既細極都有譜掛？！乜都無就跟人行，人o地又唔搵人包尾，就算有對講機，有電話打得通，都分分鐘餓死晒都搵唔返。
就算香港郊外遠足徑有晒路標有圖睇，都差唔多日日有人盪失路！高原山區，周圍都係山，就算想搵返自己o係邊都唔易。
可以80人香港連大陸學生咁大條龍都可以甩尾，明顯地帶隊批人完全無理過後面，咁都可以叫「嚮導」？不如跟隻羚羊上山啦！山上邊堆羚羊隻隻日日都「爬山」，又肯定好熟路，以港大弱智發言人o既標準，絕對係「當地經驗豐富的羚羊作嚮導」，一樣唔會等人嘛，嚮導直頭係L樣羚羊啦！
好在80人之中有幾個仲識認路落山，只係失蹤個幾鐘，如果如果天氣變差少少，有一、兩個跌o左落崖就大件事，其實大霧同天黑已經夠危險，只要落多兩滴雨就出晒事。(呢o的事我經驗豐富，真係唔知點解咁黑，幾乎每三次出動梗有一次暴風雨！)
不過，無地圖其實又好正常，要一幅有足夠細節應付行山o既地圖，即係「國家機密」，反正呢個共產中國一直草菅人命，一幅旅遊圖畫得精細少少都全間出版社滿門抄斬，當人家o既衛星已經可以經低腰褲露出之股溝，影到某大連姑娘衛生巾表面花紋時，中國一般平民百性還要用那些1:3000000 無等高線旅遊圖遠足.... 應該講乜好呢？唉。
「明白同學有憂慮，但喺偏遠嘅地方同位於 3,800公尺高山，身體可能會有不適，如果帶病上山會有危險。」 好在班友聞到飯香自己返到去，我都會頗同意呢個發言人會明白過晒鐘無飯食呢種憂慮，勾起佢以前接受特殊教育可能餓都唔識得行去飯堂o既回憶。.....講得出呢堆說話，我諗呢個人都應該睇過十萬個為甚麼當中幾頁，由唔識去叫餓到識得百幾、兩百個字，真係特殊教育大勝利！唔知佢小三讀完未呢？
中大o既回應似樣得多囉！
