入到診症室，年輕獸醫A叫我放豆腐上去磅重.... 14磅？！ 

(嘩，你個死仔，唔食嘢足一日都有14磅？肥死你呀死仔!)

跟住，惡夢又輪迴。

註：以下對話由英譯中

獸醫A一摸到豆腐啲毛一舊舊就開始怪罪落黎：「波斯貓要日日同佢梳毛先得o架，唔係就會打晒結...... 你肯定無同佢梳啦！」

貓奴：「係....」

醫：「你點知佢後面受傷？」

奴：「佢之前都試過兩次一模一樣...」

醫：「嘩，佢個patpat好核突喎，你有無同佢洗o架！？」

(當然，叫得做「屎貓」，你估有乜？)

奴：「我日日都有同佢洗，但係呢兩日唔敢洗.....」(一早就知個傷口非同小可，洗水肯定爆大鑊。)

...................................

醫：「我依家同佢剃毛望一望個傷口有幾大，你幫手捉住佢。」

奴：「哦！」

電剪聲，豆腐慘叫聲此起彼落。

醫：「嘩！個傷口好大喎！」

奴：「....... (一早預咗啦)」

醫：「係咪有人用較剪同佢剪過？(你係咪剪傷佢呀！你虐貓呀？)」

奴：「當然唔係啦！(唔係第一次啦，睇病歷啦唔該....)」

醫：「依家要收佢入院，要點點點(下略三百字)....」

奴：「哦！(死仔，害我洗錢仲要害我被人屈！)」