連續三年農曆新年豆腐都出事，今年洗錢嘅記錄仲創新高添！

「死仔，一早劏咗你就唔咁煩！」

臭喇叭頭！

其實，每日兩隻臭小貓都大戰十二回合，而每一次都係由豆腐去撩賊貓開片。因為豆腐成長毛好多時賊貓出晒爪都爪唔入肉，所以豆腐隻死仔好多時就好似一架裝甲車咁成份車埋去，賊貓通常都係敗退嘅一員。

不過，問題係有時賊貓啲爪咁好彩响豆腐啲皮上面釘咗一個窿仔，而豆腐自己又清潔唔到的話就出事。

呢個就係隻臭豆腐左邊patpat，已經處理好咗嘅傷口。

有一日發現豆腐成日無郁，伏响客廳一個櫃上面，心知不妙，一摸落去patpat個位有一粒大約一吋直徑嘅瘡突出黎，同時豆腐因為好痛而發出「feet」聲，心諗：「唉，呢次又唔唔知要洗幾多。」反正都晚上十一點，唯有第二朝去睇獸醫。

第二日上午打去預約，一約就要約下午1745！唉，成個上午就望住佢，唯有出去食午飯，返到去好突然地，豆腐起身跳落地！一望後面就知粒瘡又爆咗！唉，一地好臭嘅膿同血。

終於，夠鐘的佢落去診所，袋住一千蚊落去，諗住都夠掛，唉。(上年$880，前年$430)

(明天再寫)