香港新浪網 MySinaBlog 精選話題工具
« 上一篇 | 下一篇 »
太陽風 | 17th Dec 2008 | 維園阿伯殺手 | (1168 Reads)

每日上午十點幾電話響,有時又係3字頭電話,有時就無來電顯示...... 唔聽佢會再打黎,接咗我唔出聲佢又無聲出。

電腦撥打電話真係好乞人憎!我又唔洗搵你借,你一日打幾次俾我信唔信我告你?!

經過某發瘟解釋之後明白,依家啲電腦撥打原來係咁嘅:

首先由電腦撥打目標名單上面嘅電話,當受害人(如我)按接通鍵之後電腦會先監察受害人電話有無回傳任何明顯嘅聲響(例如「喂」),有聲回傳先會接駁到「傳銷員」耳機,所以如果受害人(我)唔出聲的話,佢會等一段短時間然後自動收線,然後一段時間之後再撥打。

呢期UA財務可能外判咗一間比較鍾意用電腦撥打嘅公司做marketing掛,一個上午可以打6次黎,由最初我聽到「你好呀,我係UA xxxx」即時cut線, 進化到唔出聲等佢自動cut線,到最後忍無可忍同佢講:「我依家做緊嘢,你可唔可以過10分鐘打去24481803(天水圍差館電話)搵我?我姓王.... 」

然後靜一日,跟住又打過黎..... 煩到噴血。

我決定開始收集同起呢類公司底,一有結果就會喺網上公怖佢哋的內部電話同傳真號碼,我就睇你哋以後點做生意。


[1]

好攪笑wo!


[引用] | 作者 ATOM | 19th Jan 2009 | [舉報垃圾留言]